El lièvre et el tortue - Page 3
Mise à jour le Mardi, 14 Juin 2016 17:13 Écrit par Arlequin Mardi, 10 Juillet 2012 17:47
| Index de l'article |
|---|
| El lièvre et el tortue |
| Page 2 |
| Page 3 |
| Toutes les pages |
El lièvre et el tortue
I’n sert à rin d’ceurrir ;i faut s’armuer au bon momint
El lièvre et el tortue in sont el preufe sûr'mint.
El tortue li dit, té n’arrivera nin
Avant mi ichi.- avant ti? té devros vir l’ mét'cin!
Répondit el biête chinée :
Ma vielle, I faut t’sogner
Aveuc quèque grains d’ellabore
Sache ou non, ech té l’astrive incor
Insi fut’i entendu
On mit au Potieau eun feulle de laitue
C’est nin brinmint mais el f’ra l’affaire
Et in Juche assis su eun céhière
El lièvre n’avot que quate pas à inchaîner
Nin pou gagner, mais pou intrainer
In peu pus lon les quiens dins les calendes
Et les faire ceurrir dins les landes
I li reste incor du timps pou d’el herpe minger
Pou dormir et pou acouter
D’ù vient el vint, i laiches s’ lenteur
Avancher a s’ mode comme in sénateur
comme eun biête ,al saque d’dins
Al pinse qu’ al ceurre vite et bin
Li i déméprise eun parel victoire
I’n veux nin d’eun tiote gloire
Il y va de sin honneur
I prind s’timps.I minge l’herpe,I’s repose
I barloque, i fait aute cosse
Quind i ravise el tortue,i vot
Qu’el est nin lon du potieau
I ‘s met à ceurrir comme in maboule
Et pou rin, al est arrivé avant li ,el toutoule
EH bin, j’avos ti nin raison ?
A qué t’sert de ceurrir lon ?
J’ai gagner ! et quo que té diros
Si té devos carrier ta barraque su dos
Arlequin
Interprétation libre et nordique
Du lièvre et la tortue