Cyrano en patois du nord - Page 3
Mise à jour le Mardi, 14 Juin 2016 17:06 Écrit par Arlequin Dimanche, 08 Décembre 2013 12:05
Index de l'article |
---|
Cyrano en patois du nord |
Page 2 |
Page 3 |
Toutes les pages |
Extrait étudié : Rostand, Cyrano de Bergerac, Acte I Scène IV – CYRANO
Ah ! non !i faudrot eune rallonque, jonne homme !
Té pourros dire ….. Oh !Diu !.. Grinmint des cosses en somme
Sins parlache bin sur dins t’nez
Mordreux :Mi,m’gueux, si j’avos tin nez
Il faudrot habile qu’ej me l’abatte !
In Camarate : Ej pinse qu’i touque dins t’jatte
Pou chucher, té devros acater eune palle !
In imache : Ch’est un roc !.. ch’est un pic !.. ch’est eune muralle !
Quind ej dis eune muralle !... ch’est el muralle de chine !
Curieux : A qué peut bin t’servir tin rachine ?
D’accrochoir ,Ou d’porte mantieau ?
Charmint : Insin t’aimes tell’mint ches osios
Que jolimint et polimint in bon camarate
Té leu tind tin percot pou leu tchiotes pattes ?
Amusette : Quind té saque su tin mégot
Et qu’al finquée par tin nez passot
Tout el’voisinache au fû d’ballot doit brailler ?
Aimape : Attintion à tchiête all’ pourrot tribouler
Aveuc un pods d’voleux parel !
Cajoleux : Té devros arluquer pou un muche solel
Tin nez aveuc el solel pourrot s’ dépleumer !
Bieau parleux : Seul’mint eune biète ardouter,
Qu’aristophane appelot Hippocampelephantoéloche
Avot su front tant d’chaire su tant d’oches !
Sins gêne : Quo ,m’garchon,ech’ croc est al mote ?
Pou incrinquer tin capieau ch’est heureusemint commote ?
Esbrouffeux : I fraudrot un vint vraimint espécial
pou bin t’inrhumer, Sauf bin sur el Mistral !
Graf : Ch’est l’mer rouche quind tu t’el’cope !
Aveuc roulemint : Pou un parfumeux,qué scoope !
Pêqueux : S’ serot nin eune conque, té t’serot nin un triton ?
Nonoche : Ech’monumint,i arssemble all majon d’un porion .
Polimint : Archève mes complimints plein t’carrue
Aveuc li ,t’as jolimint pignon Sul’rue !
Cinsier : Hé ardé ! s’ seul’mint un nez ? nanain !
Ch’est pet-éte un grind naviot ou ben un melon catain !
Militaire : Tire nin à vue d’nez ! Ou gare al pharmac’rie !
Util’ : Té voudros el mette al lot’rie ?
S’ serot suremint el clo d’el brad’rie !
Enfin comme el’disot Pyrame sins mintirie
Eul v’là donc ech’nez qui t’as esquinté t’visache
I l’in rougeote el traite !Diu qué carnache !
Et v’là m’garchon s’ qué t’aurot pu m’dire
Si té laissot nin t’cervelle toudis s’indormir.