El chaperon rouche
Mise à jour le Samedi, 16 Mai 2015 08:23 Écrit par Arlequin Samedi, 16 Mai 2015 07:49
El Chaperon Rouche .
I etôt eune fos eune tchiote file d’villache, el pu bellotte qu’on puvot vire,es mam in etôt folle
et es mémère pu incor. Es mam li fit un tchiot chaperon rouche.
i li allot si bin que rapidemint tertous l’appela el chaperon rouche.
,.
Un jour es mam,avot cuit eune tarte au chuque ,al li dit « va tin vire et’mémèrei paraitrot qu’al s-rôt malat’,va tin li porter el tarte au chuque et du burre ».
el chaperon rouche partit vire esgrind-mère qui habitôt dins un villache nin lon.In passant dins un bos al rincontra un leu qui l’arôt bin mingé à’s’t’heure ;mais i y avôt des coupeux d’bos alintour .El leu li demindaoù al d’allôt ; el tchiote éfant ballot , n’savôt nin qu’i etot mau d’acouter un leu,innochint al li dit « ej min va porter del tarte au chuque et du burre am grind-mère ».
.
__ Al habite lon d’ichi ? li dit el leu .
__ Oh oui,dit el chaperon rouche, bin après el molin que vos voéyez là-bas,ch’est el cahute àl’intrée du villache.
-Hé bin, dit el leu,ej va y aller el’ raviser .J’y va par ech quémin chi,et ti par es quémin là.
ej pinse que j’y srai avint ti. »
|
|
El gamine al cueille des fleurs et des nojettes .
Au leu, i li faut nin longtimps pou ête al cahute
I buque al’huche :
__ Qui v’là ?
__ Che mi tin chiote fille, el chaperon rouche (dit el leu cangeant es voix), ei je vos apporte del tarte au chuque et du burre am mémère ».
El braf grind-mère etot couqué malat’ din ‘s lit.
Al li cria : « saque su el chevillette et el bobinette querra.
El leu saqua su chevillette et l’huche s’ouvrit.I bondit su la pauf’grind-mère et i la dévora rapidemint ;car i n’avot nin mingé ed’pis trois jours. i ferma l’huche et sin alla s’couquer dins lit en’attindant el chaperon rouche.
Qui Bin vite buqua al’huche .
__ Qui v’là ? dit el leu.
El chaperon rouche.en intindant la grosse voix du leu eut la troulle.Pis pinsa qu’ech grind mère étot inrhumée.
__ Che mi tin chiote fille, el chaperon rouche, ei je vous apporte del tarte au chuque et du burre.
el leu cangeant es voix li cria : « saque su el chevillette et el bobinette querra ».
El chaperon rouche saqua su chevillette et l’huche s’ouvrit.
El leu li dit :
__ Pose el tarte au chuque et el burre su tape et viens t’couquer dins lit à coté d’mi.
El chaperon rouche s’étonna ed’vire ech grind-mère commint al étot dins lit.
Al li dit » Grind-mère que vos avé des grinds bras ! »
__C’est pou mieux t’imbrasser em’file.
__ Grind-mère que vos avé des grindes gambes !
__C’est pou mieux courir, em’éfent.
__ Grind-mère que vos avé des grindes orelles !
__C’est pou mieux acouter, em’éfent.
__ Grind-mère que vos avé des grinds zis !
__C’est pou mieux vir, em’éfent.
__ Grind-mère que vos avé des grindes dints !
__C’est pou mieux t’minger
Et el leu mordeux bondit su el chaperon rouche et la mingea..